Termiz davlat universiteti qoshidagi 103 tez tibbiy yordam xizmati to‘g‘risida

Termiz davlat universitetida professor-o‘qituvchilar, ishchi-xodimlar hamda talabalar salomatligini muhofaza qilish, ularga sifatli va tezkor tibbiy xizmat ko‘rsatishni ta’minlash maqsadida universitetning 3-talabalar turar joyi hududidagi qo‘shimcha binoda 103 tez tibbiy yordam xizmati faoliyati yo‘lga qo‘yilgan.

Mazkur tibbiy xizmat binosi 1 qavatdan iborat bo‘lib, jami 4 ta xona va 1 ta kutish zalidan tashkil topgan. Jumladan:

· 1-xona – bemorlarni qabul qilish xonasi;

· 2-xona – muolaja xonasi;

· 3-xona – stomatologiya xonasi;

· 4-xona – terapevt shifokor xonasi;

· kutish zali – bemorlar va murojaatchilar uchun mo‘ljallangan.

Universitet professor-o‘qituvchilari hamda ishchi-xodimlarining sog‘lom va xavfsiz mehnat faoliyatini ta’minlash, ularning salomatligini muntazam nazorat qilib borish maqsadida tibbiy xizmat tarkibida 1 nafar shifokor va 2 nafar hamshira shtat birligi joriy etilgan. Mazkur xizmatda shifokor K. Berdiyev hamda ikki nafar hamshira faoliyat olib bormoqda.

Tibbiyot xodimlari tomonidan universitet professor-o‘qituvchilari va ishchi-xodimlarining yiliga bir marotaba majburiy tibbiy ko‘rikdan o‘tishi nazoratga olingan bo‘lib, tegishli tibbiy ko‘rik natijalari va ma’lumotlari tibbiy daftarchalarda qayd etib boriladi.

Shuningdek, 103 tez tibbiy yordam xizmati tomonidan universitetning barcha talabalari, professor-o‘qituvchilari hamda ishchi-xodimlariga kundalik murojaatlari asosida tibbiy xizmat ko‘rsatiladi. Zarur hollarda tibbiyot xodimlari universitetning o‘quv binolari, talabalar turar joylari va boshqa hududlariga chiqib, murojaatchilarga joyida birlamchi tibbiy yordam ko‘rsatadilar.

Umuman olganda, Termiz davlat universiteti qoshidagi 103 tez tibbiy yordam xizmati universitet jamoasi va talabalarining salomatligini muhofaza qilish, kasalliklarning oldini olish, muntazam tibbiy nazoratni tashkil etish hamda zarur hollarda tezkor tibbiy yordam ko‘rsatishda muhim ahamiyat kasb etmoqda.